Web Coidada

A túa web, vixiada e ao día mentres ti atendes o teu negocio

Mantemento web desde 9 €/mes + IVE: comprobamos que a túa web responde, avisámoste antes de que caduque o dominio e gardamos copias.

Pide Web Coidada Ver os dous tramos

E cada mes, un informe de visitas no teu correo.

Que inclúe

O que fai Novantrek pola túa web cada mes

Vai nos dous tramos, desde 9 €/mes + IVE.

  • Vixilancia

    Comprobamos que a túa web responde. Se deixa de facelo, salta un aviso e Novantrek ponse con iso.

  • Avisos de caducidade

    Avisámoste con tempo antes de que caduquen o dominio e o certificado de seguranza, o cadeado do navegador.

  • Copias de seguranza

    Cada versión da túa web queda gardada. Se algo se rompe, recupérase a anterior.

  • Informe de visitas

    Cada mes, no teu correo: cantas visitas recibe a túa web, de onde chegan e que miran. Medido sen cookies.

Prezos

Un prezo fixo ao mes, con cambios ou sen eles

Os dous tramos levan a vixilancia, os avisos, as copias e o informe. Prezos sen IVE.

Web Coidada

9 €/mes + IVE

A túa web vixiada, con copias e avisos a tempo.

  • Vixilancia de que a túa web responde
  • Avisos antes de que caduquen dominio e certificado
  • Copia de cada versión da túa web
  • Informe de visitas cada mes, sen cookies
Pide Web Coidada

Web Coidada con cambios

25 €/mes + IVE

Todo o anterior e ata unha hora de cambios ao mes.

  • Todo o do tramo de 9 €
  • Cambios de textos, fotos, prezos e horarios
  • Pídesnolos por correo e facémolos nós
  • Ata unha hora de traballo ao mes
Pide Web Coidada con cambios

Queres tamén a túa ficha de Google ao día? Súmase a calquera dos dous tramos: tela aquí abaixo.

O que pagas por ter a túa web en liña

DominioAo teu nome; págalo ti ao rexistrador
uns 12 €/ano
AloxamentoA túa web publícase sen cota de servidor
0 €
Web CoidadaVixilancia, avisos, copias e informe; cambios no tramo de 25 €
9 ou 25 €/mes + IVE

Ficha de Google ao día

A túa ficha de Google, tan coidada coma a túa web

Súmase a calquera dos dous tramos e o seu prezo vai na túa proposta.

Engádea á túa proposta
  • Horarios, fotos e categorías revisados cada mes, con festivos e vacacións postos a tempo.
  • Respostas ás túas recensións, redactadas por Novantrek e publicadas co teu visto e prace.
  • Tarxetas con QR para que os teus clientes de verdade deixen a súa opinión.

Como comeza

Do primeiro correo ao primeiro informe

  1. Mándasnos a túa web

    Por correo, co seu enderezo e o tramo que prefires.

  2. Deixámola a punto

    Novantrek activa a vixilancia, os avisos, as copias e a medición de visitas.

  3. Recibes o teu informe

    Cada mes, coas visitas, o estado da túa web e os cambios feitos.

Preguntas frecuentes

Dúbidas sobre Web Coidada

Que conta como un cambio pequeno?
Cambiar un texto, unha foto, un prezo ou un horario, ou poñer un aviso de vacacións: o que nos pides por correo e se resolve nun momento. O tramo de 25 €/mes + IVE inclúe ata unha hora de cambios ao mes. Se un mes precisas máis, ou queres unha sección nova, dámosche o prezo antes, por escrito.
O dominio e o aloxamento van á parte?
O dominio rexístrase ao teu nome e págalo ti ao rexistrador, uns 12 € ao ano: é teu. Aloxar a web custa 0 €. Con Web Coidada, Novantrek avísate antes de que caduque para que a renovación chegue a tempo.
Que pasa se a miña web deixa de responder?
Salta o aviso da vixilancia e Novantrek busca a causa. Contámosche que pasou e como se resolve e, se fai falta, recupérase a última copia boa da túa web.
Que trae o informe de cada mes?
As visitas do mes, de onde chegan (Google, redes sociais, outras ligazóns) e que páxinas se miran máis, medidas sen cookies e sen gardar enderezos IP. Ademais, o estado da túa web, do dominio e do certificado, e os cambios feitos ese mes.
A miña web fíxoa outra empresa. Podedes coidala?
Si, adaptámonos ao teu caso. Novantrek revisa a túa web e proponche por escrito como coidala; a medición de visitas móntase á medida para ela e orzaméntase nesa mesma proposta.
E se o que teño é un sistema ou un servidor?
O seu mantemento axústase ao seu tamaño e vai na súa propia proposta. E se precisas equipos novos, Novantrek encárgase de mercalos e instalalos por ti, orzamentado á parte. Tes todo en sistemas á medida. E se necesitas montar ou coidar servidores, redes ou correo, mira infraestrutura.

Comezamos a coidar a túa web?

Mándanos o enderezo da túa web e o tramo que prefires. Respondémosche coa túa proposta e, se a queres, coa Ficha de Google ao día e o seu prezo.

Pide Web Coidada

Ábrese o teu correo cunha mensaxe preparada para completar. Tamén podes escribir directamente a info@novantrek.com.