Núcleo para clínicas

IA para a túa clínica, cos datos de saúde na casa

Núcleo transcribe e resume consultas, responde cos vosos protocolos e traballa nun equipo da clínica. Os datos dos teus pacientes quedan dentro.

Pide a túa proposta Ver como funciona

Desde 50 € + IVE. O equipo, se queres, mercámolo e instalámolo nós.

Que resolve

Máis tempo para o paciente

O que máis ocupa fóra da consulta, coa IA traballando dentro da clínica.

  • Transcribir a consulta

    Caracola pasa a texto a conversa da consulta ou o ditado do profesional, no propio equipo da clínica.

  • Un resumo para revisar

    Do texto sae un resumo ordenado cos apartados que usedes (motivo, exploración, plan). O profesional revísao, corríxeo e valídao antes de gardalo.

  • Pregúntalles aos protocolos

    Con Repisa, o noso buscador de documentos, o equipo pregunta aos vosos protocolos, guías internas e procedementos e recibe a resposta co documento do que sae.

  • Datos de saúde na casa

    Os datos de saúde son unha categoría especial do RGPD. Con Núcleo, audios, textos e documentos quedan no equipo da clínica.

Como funciona

Así traballa Núcleo na túa clínica

  1. Análise gratis

    Cóntasnos como son as vosas consultas, que se documenta e que protocolos tedes. Definimos os usos e o equipo.

  2. Proposta pechada

    Usos, equipo, prezo e o papel do profesional en cada paso, todo por escrito antes de comezar.

  3. Instalación na clínica

    Instalamos Núcleo, conectámolo aos vosos protocolos e probámolo co voso equipo.

  4. Formación e coidado

    Formamos o equipo, deixamos por escrito o do RGPD e a Lei de IA, co aviso para pacientes, e mantémolo cada mes se queres.

O profesional revisa e valida todo o que produce Núcleo: a decisión clínica é sempre súa. E o paciente sabe que a consulta se transcribe cunha IA, porque se lle avisa.

Que inclúe

Todo o necesario para que funcione desde o primeiro día

Núcleo é o sistema de IA de Novantrek: configurámolo para o teu sector, instalámolo e coidámolo. Escolles os usos que precisas e podes sumar máis adiante.

  • Instalación e adaptación

    Instalamos Núcleo nun equipo da túa oficina, conectámolo aos vosos cartafoles e probámolo con casos reais vosos.

    • Desde 50 € + IVE
    • Orzamento pechado por escrito tras unha análise gratis

  • O equipo, se o queres

    Escollemos, mercamos e instalamos o equipo axeitado, con tarxeta gráfica (GPU) cando o uso o pide. Se prefires mercalo ti, dicímosche exactamente que pedir.

    • Orzaméntase á parte
    • Modelo e prezo por escrito antes de mercar
    Máis sobre equipos e infraestrutura

  • Formación e Núcleo Coidado

    Formamos o teu equipo con exemplos do voso día a día. Con Núcleo Coidado mantémolo ao día: actualizacións de Núcleo e do equipo, copias de seguranza, revisión de que todo responde, axustes dos usos e axuda ao teu equipo cando a precise.

    • Núcleo Coidado: 29 €/mes + IVE
    • Documentación de RGPD e Lei de IA da UE

Coñece Novantrek Núcleo Ver o catálogo de modelos

Preguntas frecuentes

Dúbidas sobre Núcleo nunha clínica

Os datos dos pacientes saen da clínica?
Quedan no equipo instalado na clínica: audio, transcrición e resumo. Núcleo funciona alí, tamén sen conexión a internet.
Quen valida os resumos?
O profesional sanitario. Núcleo prepara a transcrición e o resumo; o profesional revísaos, corríxeos e valídaos antes de que pasen á historia clínica.
Hai que avisar o paciente?
Si, e deixámoscho preparado: un aviso claro de que a consulta se transcribe con IA dentro da clínica, xunto coa documentación do RGPD e o que pida a Lei de IA da UE no voso caso.
Adáptase á nosa especialidade?
Núcleo traballa cos vosos protocolos e coa forma de resumir de cada especialidade. Na análise definimos convosco os modelos de resumo.
Temos que mercar un equipo novo?
Depende de canto o vaiades usar. Na análise vemos se serve un equipo que xa teñades; se fai falta outro, escollémolo, mercámolo e instalámolo nós se queres, co seu prezo por escrito antes de mercar.
Canto custa?
A instalación parte de 50 € + IVE, con orzamento pechado por escrito tras unha análise gratis. O equipo, se queres que o merquemos nós, vai á parte. Non hai cota por uso; o mantemento, Núcleo Coidado, é opcional: 29 €/mes + IVE.

Cóntanos como traballa a túa clínica

Escríbenos que tarefas ou documentos queredes levar a Núcleo. Respondémoche cunha proposta tras unha análise gratis, con orzamento pechado por escrito.

Pide a túa proposta

Ábrese o teu correo cunha mensaxe preparada para completar. Tamén podes escribir directamente a info@novantrek.com.